மிக அழகான 10 தமிழ் பெண்கள்

மிக அழகான 10 தமிழ் பெண்கள் பட்டியலை வெளியிடுவதாய் அறிவித்து கிட்டதட்ட ஒரு மாதமாகிறது. என்ன ஆயிற்று என்று யாரும் கேட்கவில்லை யெனினும் பதில் சொல்ல வேண்டிய க‌டமையிருப்பதாக உணர்கிறேன். உண்மையில் பட்டியல் வெகு நாட்களுக்கு முன்பே தயாராகி விட்டது. ஆனால் வெளியிடுவதில் தான் ஒரு சின்ன அல்லது பெரிய சிக்கல் இருக்கிறது.

அதில் இடம் பெற்றவர்களில் ஒருவர் ஒரு பெரிய அரசியல் கட்சித் தலைவரின் மகள்; இன்னொருவர் மத்திய அமைச்சர் ஒருவரின் மருமகள்; எல்லாவற்றையும் விட ஆபத்தானதாய் மற்றுமொருவர் ஒரு நவீன பெண் கவிஞர். பட்டியலை வெளியிட்டால், நேரடியாகவோ மறைமுகமாகவோ தாக்குதலுக்கு ஆளாகலாம் என்று சஹ்ருதயர்கள் சிலர் சொல்ல‌க் கேள்வி.

இருக்கும் ஒரே ஒரு அழகான மனைவியுடன், மென்பொருள் துறையின் சுமாரான சம்பளத்தில், அந்நியர்கள் சூழந்திருக்கும் ஊரான பெங்களூரில், அமைதியாய் அடக்கமாய் ஒண்டிக் குடித்தனம் செய்து கொண்டிருக்கும் என் போன்ற அம்மாஞ்சிகளுக்கு இத்தகைய‌ அதிர்ச்சி வஸ்துக்கள் ஆகாது. மேலும், எனக்கும் எழுத வேறு உருப்படியான விஷயங்கள் காத்திருக்கின்றன.

இதையெல்லாம் மனதில் கொண்டு நோக்குங்கால், இந்தப் பட்டியலை இப்போது வெளியிடுவது எந்த விதத்திலும் சாணக்கியத்தனம் இல்லை என்றே தோன்றுகிறது. என் மனச்சூழலோ, தமிழ்ச்சூழலோ மாறும் நாளில் இப்பட்டியலை நான் வெளியிடக்கூடும். ஒன்று மட்டும் இப்போதைக்கு - பட்டியலில் இருந்தவர்களுள் ஒருவர் : பவதாரிணி இளையராஜா.

Comments

Anonymous said…
எங்களை வச்சு காமெடி கீமடி பண்ணலியே ...
பவதாரிணி அழகான பத்து பெண்களில் ஒருவரா ? இது உங்களுக்கே ஓவர் ஆக தெரியவில்லை....
Monday, September 7, 2009 at 7:59:00 AM GMT+5:30
வசந்த் said…
பவதாரிணியின் பெயரை நேரடியாகவே குறிப்பிட்டுவிட்டீர்கள். அரசியல் கட்சித் தலைவரின் மகள், மத்திய அமைச்சரின் மருமகள், நவீன பெண் கவிஞர் என்று மூன்று பேருக்கு க்ளூ கொடுத்திருக்கிறீர்கள். மற்ற ஆறு பேருக்கும்கூட க்ளூ கொடுத்துவிடுங்களேன்.
Monday, September 7, 2009 at 5:36:00 PM GMT+5:30
வசந்த் said…
சரவணகார்த்திகேயனின் தேர்வை நான் ஏற்றுக்கொள்கிறேன். பவதாரிணி அழகுதான்.
Tuesday, September 8, 2009 at 5:08:00 PM GMT+5:30
Kaarthik said…
My favourite:
மத்திய அமைச்சர் மருமகள்
Sunday, September 27, 2009 at 1:49:00 AM GMT+5:30
வலைஞன் said…
இன்னிக்குதான் உங்க சைட்டில் என் க்ருஹப்பிரவேசம்!! எல்லாம் நல்லாத்தான் இருக்கு! ஆனா அலட்டல்தான் அபரிமிதம்! அதான் ஒங்க பாலிசி கம்மினா கம்;கம்மனாட்டி கோ என்றான பிறகு நாங்க என்ன செய்யறது?
ஜாலியா பேசவேண்டியதுதான்
Sarkar, you rock!
Sunday, January 10, 2010 at 7:50:00 PM GMT+5:30
Post a Comment

Popular posts from this blog

இறுதி இரவு [சிறுகதை]

Image
“ இருட்டறையில் ஏதில் பிணந்தழீஇ ” - திருக்குறள் (913) “கன்னிப் பொணம் விழுந்திருச்சு!” ஊர் முழுக்க இதே பேச்சாய் இருந்தது. டீக்கடையில், பொதுக் கழிப்பிடத்தில், வீட்டுத் திண்ணையில், முச்சந்திக் கிணற்றடியில், சீட்டுக் கச்சேரியில், எல்லா இடங்களிலும். “குப்பனுக்கு சொல்லி விட்டாச்சா?” விஷயம் கேள்விப்பட்டவர்களின் முதல் கேள்வி இதுவாகவே இருந்தது. இறந்தது யார்? எப்படிச் சாவு நடந்தது? என்றெல்லாம் பிற்பாடு தான் பேச்சு தொடங்கியது. “சடங்கு எப்ப நடக்குதாம்?” “இதென்னய்யா புதுசாக் கேட்கறீங்க? எப்பவும் போல இன்னிக்கு ராத்திரி தான்.” கண்களில் மின்னும் ஆர்வத்தை மறைத்தபடி மெல்லிய குரலில் கிசுகிசுத்தார்கள். அந்தப் பெரிய வீட்டில் பிணம் வைக்கப்பட்டிருந்த கண்ணாடிப் பெட்டியைச் சுற்றி தரையில் ஏராளமான பெண்கள் ஒப்பாரி வைத்திருக்க, ராமசாமி மட்டும் பிணத்தின் முகத்தைப் பார்க்க வாகாக மரச்சேர் போட்டு அமர்ந்து கொண்டு தோளில் இருந்த துண்டின் முனையைச் சுருட்டி வாய்க்கும் மூக்கிற்கும் மத்தியில் வைத்திருந்தார். ஏற்கனவே அழுதிருப்பதும் இனியும் அழத் தயார் என்பதையும் அது சொல்லியது. அவர் வயதொத்தோர் வந்து பிணத்தை வ...
மேலும் வாசிக்க‌ »

தமிழ் : சிறந்த 100 புத்தகங்கள்

தமிழில், நான் படித்தவற்றில், மிக முக்கியமான நூறு புத்தகங்களை இங்கே பட்டியலிட்டிருக்கிறேன். அதாவது - என் பார்வையில், தமிழில் வாசிக்கும் பழக்கமுடையோர் அனைவரும் கட்டாயமாய் படித்தே ஆக வேண்டிய புத்தகங்கள் இவை. புத்தகக் கண்காட்சிக்கு செல்பவர்களுக்கும், புத்தகம் படிக்கத் தொடங்குபவர்களுக்கும் இது பயன்படலாம். திருக்குறள் - மு.வ. உரை பட்டினத்தார் பாடல்கள் பாரதியார் கவிதைகள் பாரதிதாசன் கவிதைகள் கண்ணதாசன் கவிதைகள் வைரமுத்து கவிதைகள் சுந்தர ராமசாமி கவிதைகள் கலாப்ரியா கவிதைகள் கல்யாண்ஜி கவிதைகள் அசோகமித்திரன் கட்டுரைகள் புதுமைப்பித்தன் சிறுகதைகள் லா.ச.ரா. சிறுகதைகள் சுந்தர ராமசாமி சிறுகதைகள் ஜி.நாகராஜன் ஆக்கங்கள் அ.முத்துலிங்கம் கதைகள் ஜெயமோகன் சிறுகதைகள் அம்பை சிறுகதைகள் ஆதவன் சிறுகதைகள் யுவன் சந்திரசேகர் சிறுகதைகள் பட்டுக்கோட்டை பிரபாகர் சிறுகதைகள் ஜெயமோகன் குறுநாவல்கள் சுஜாதாவின் நாடகங்கள் சுஜாதாவின் மர்மக்கதைகள் நாட்டுப்புறக்கதைகள் - கி.ராஜநாராயணன் விஞ்ஞான சிறுகதைகள் - சுஜாதா ஸ்ரீரங்கத்துக்கதைகள் - சுஜாதா தேர்ந்தெடுத்த சிறுகதைகள் - சுஜாதா பீக்கதைகள் - பெருமாள்முருகன் விசும்பு - ஜெயமோகன் என் வீட...
மேலும் வாசிக்க‌ »

கலைஞர்: நவீனத் தமிழகத்தின் சிற்பி

Image
பண்டித ஜவஹர்லால் நேரு நவீன இந்தியாவின் சிற்பியாகக் கருதப்படுகிறார். 1947ல் சுதந்திரம் கிடைத்த போது சிதிலமடைந்து கிடந்த ஒரு பிரம்மாண்ட தேசத்தை அவர் தன் தொலைநோக்குப் பார்வையின் மூலம் - விவசாயம் முதல் விஞ்ஞானம் வரை பல்வேறு துறைகளிலும் மேம்பாட்டை ஏற்படுத்தி - புத்துயிர்ப்புடன் நிர்மாணித்தார். அதன் மூலம் சமூக, பொருளாதார வளர்ச்சியை நாடெங்கிலும் சாத்தியப்படுத்தினார். அவர் மறைந்த போது ஒரு நவீன தேசத்தை உருவாக்குவதற்கான மிக வலுவான ஓர் அடித்தளத்தை அமைத்துப் போயிருந்தார். நிதானமாய் யோசித்தால் நேரு அவர்கள் இந்திய நாட்டிற்கு எதைச் செய்தாரோ அதையே தமிழ் நாட்டிற்கு கலைஞர் செய்தார். ஆனால் கலைஞரின் நவீனச் சிந்தனை கொஞ்சம் வேறுபட்டது. அது சமூகத்தின் பல்வேறு தரப்பினரையும் உள்ளடக்கிய வளர்ச்சியை (Inclusive Growth) உத்தேசித்தது. இன்றைய நவீன ஆட்சி என்பதில் இரண்டு விஷயங்களை நோக்கி இருப்பதாகக் கருதுகிறேன். 1) வளர்ச்சி 2) சமத்துவம். அதாவது முரட்டுத்தனமாய் நாடு வளர்கிறது எனப் பொருளாதாரக் குறியீடுகள் மூலம் காட்டுவதோ, குறிப்பிட்ட துறைகளில் மட்டும் பெருவளர்ச்சி காண்பதோ, சமூகத்தில் சில பிரிவினர் மட்டும் செல்வச் ச...
மேலும் வாசிக்க‌ »